दिवस ओल्या पाकळ्यांचे जाणिवांना गंध ओले
स्पंदने बेभान आणि हात हाती गुंफलेले
दिवस वेडे स्वप्न पंखी रेशमाची झूल झाले
ओंजळीने मागण्या आधीच सरले मेघ सारे
दिवस ओल्या पाकळ्यांचे जाणिवांना गंध ओले
दिवस थोडे स्पर्श वेडे दोन आतुरल्या जीवांचे
हरवलेले भान केवळ श्वास होते बोललेले
दिवस ओल्या पाकळ्यांचे जाणिवांना गंध ओले
दिवस मोहरल्या मनाचे सुख नवे घेऊन आले
चांद थोडा लाजला अन चांदणे टिपूर झाले
दिवस ओल्या पाकळ्यांचे जाणिवांना गंध ओले
स्पंदने बेभान आणि हात हाती गुंफलेले
दिवस ओल्या पाकळ्यांचे जाणिवांना गंध ओले
स्वर : स्वप्नील बांदोडकर, बेला शेंडे
संगीत: निलेश मोहरीर
चित्रपट: मंगलाष्टक वन्स मोर
No comments:
Post a Comment