अंतरी वाजती प्रीतीची पैंजणे
आणि धुंदावती भाबडी लोचने
होतसे जीव का घाबरा सांग ना
सांग ना रे मना, सांग ना रे मना।।२।।
श्वास गंधाळती शब्द भांबावती
रोम रोमातले कंपने बोलती
मोहरे मोहरे पाकळी पाकळी
भरलेल्या जीवा आवरावे किती
का अशा जागल्या सांग संवेदना
सांग ना रे मना, सांग ना रे मना।।२।।
हे नवे भास अन ह्या नव्या चाहुली
ऐकू ये कोठूनी साद हि मलमली
गोठले श्वास अन स्पंदने थांबली
हे शहारे जणू रेशमाच्या झुली
आज ओथंबल्या का अशा भावना
सांग ना रे मना, सांग ना रे मना।।२।।
गीत:
स्वर: स्वप्नील बांदोडकर, निहिरा जोशी
संगीत : अवधूत गुप्ते
चित्रपट : झेंडा
