प्रेमात रंगल्या प्रेमाच्या आभाळी प्रेमाच्या पंखांनी जाऊ चला
प्रेमाने मिटती मनाची अंतरे प्रेमाला प्रेमाने पाहू चला
मनाशी बोलते जगाला जोडते प्रेमाने जागते प्रेम नवे
प्रेमाच्या कुपीत नात्याचे गुपित प्रेमाला ठाऊक प्रेम हवे
प्रेमाच्या देशात प्रेमाच्या भाषेत प्रेमाच्या सुरात बोलू चला
प्रेमाच्या प्रवाही प्रेमाचे भोवरे प्रेमाची वादळे येती जरी
प्रेमाच्या लाटा या प्रेमाने वाहून प्रेमाच्या तीराशी नेती तरी
प्रेमाचा चांदवा झरतो बेभान प्रेमाचे उधाण झेलू चला
मालिका - एक लग्नाची तिसरी गोष्ट
स्वर - सचिन पिळगावकर, अंजली कुलकर्णी
संगीत - डॉ सलिल कुलकर्णी
शब्द - संदीप खरे
