Sunday, August 16, 2009

माझे जगणे होते गाणे

जाता जाता गाईन मी
गाता गाता जाईन मी
गेल्यावर हि या गगनातील
गीतांमधुनी राहीन मी
माझे जगणे होते गाणे

कधी मनाचे कधी जनाचे
कधी घनास्त्व कधी मनाचे
कधी घनाशय कधी निराशय
केवळ नाद तराणे
माझे जगणे होते गाणे

आलापींची संथ सुरावळ
वारा गांचा संकर गोंधळ
आलापींची संथ सुरावळ
कधी आर्तता काळजातली
केव्हा फक्त बहाणे
माझे जगणे होते गाणे


राईमधले राजस कूजन
कधी स्मशानामाधले क्रंदन
अजणातेचे अरण्य केव्हा
केव्हा शब्द शहाणे
माझे जगणे होते गाणे

जमले अथवा जमले नाही
खेद खंत ना उरली काही
अदृष्यातील आदेशांचे
ओझे फक्त वाहणे
माझे जगणे होते गाणे


कधी मनाचे कधी जनाचे
कधी घनास्त्व कधी मनाचे
कधी घनाशय कधी निराशय
केवळ नाद तराणे
माझे जगणे होते गाणे

कवी: कुसुमाग्रज
स्वर: सलील कुलकर्णी
अल्बम: संधीप्रकाशात

No comments:

Post a Comment