तू जिथे मी तिथे - फोटो कॉपी

तो - सहज सोपे ह्या उन्हाचे त्या धुक्याला बिलगणे
हे असे माझे तुझे अन त्या ढगांवर चालणे
ती - शोधते स्वतःला भेटुनी तुला
पण रस्ते नवे नेती कुठे नाही कळे मला
तो - तू जिथे मी तिथे
स्वप्न वेडे पाहिले आता
स्पर्श-ओल्या मोकळ्या वाटा
ती - मी न माझी राहिले आता

तो - गुणगुणावे मी तुला मग तू मलाही सुचावे
ती - बोलुनी झाले तरीही खूप काही उरावे
तो - बोलणे नको हे सांगणे आता
ती - पण मग आपुल्या मौनास काही अर्थ ये नवा
तो - तू जिथे मी तिथे
स्वप्न वेडे पाहिले आता
स्पर्श-ओल्या मोकळ्या वाटा

तो -अंतरे संपून जावी, विरघळावे दुरावे
ती - होतो काय झालो ना मिळावे पुरावे....

तो - सांगणे सुखाचे ऐकवू जगा
ती - पण मग आपुल्या नात्यास काही अर्थ ये नवा

तू जिथे मी तिथे...
स्वप्न वेडे पाहिले आता
ऐकण्या आतुरल्या दिशा...
मी न माझी राहिले आता


चित्रपट - फोटो कॉपी
स्वर - स्वप्नील बांदोडकर, नेहा राजपाल
गीत - अश्विनी शेंडे
संगीत - निलेश मोहरीर

Movie - Photocopy
Singers - Swapnil Bandodkar, Neha Rajapal
Lyrics - Ashwini Shende
Music - Nilesh Moharir