राधे कृष्ण नाम

वृन्दावानीसा  रंग हा का लावी घोर जीवाला
झाली अशी वेडीपीशी कुणी जाऊन सांगा त्याला

हा मंद गंध भवताली राधेला वाट गवसली
कधी झर झर पाण्यातून सुरसूर येती कानी
सासासा पपप पम पधपमगरेमप
राधे कृष्ण राधे कृष्ण नाम घे गवळण राधा

डोईवरती घागर घेउनी जाई राधा नदी किनारी
हळूच कुठूनसा येई मुरारी बावरलेली होई बिचारी
शब्द शब्द अवघडले परी नजरेतूनच कळले
आज ऐकण्या ती तान होई अधीर अधीर मन
सासासा पपप पम पधपमगरेमप
राधे कृष्ण राधे कृष्ण नाम घे गवळण राधा

गोडगोजिरी मूत सावळी प्रीतीची तव रीत आगळी
म्हणती सारे आज गोकुळी राधा माधव नाही वेगळी
मनी चांदणे फुलते पाहुनीया  अपुले नाते
कधी येणार येणार शाम रोखून डोळे प्राण
सासासा पपप पम पधपमगरेमप
राधे कृष्ण राधे कृष्ण नाम घे गवळण राधा

अल्बम : तिच्या डोळ्यातलं गाव
स्वर : स्वप्नील बांदोडकर
संगीत : अशोक पत्की
गीत : अशोक पत्की